काठमाडौ । नेपाल राष्ट्र बैंकले यहि पर्सी शनिबार पनि बैंकका काउण्टरहरु खुला राख्न भनेको छ।
राजस्व उठाउने प्रयोजनका लागि शनिबारका दिन पनि राजस्व काउन्टर खुला गर्न निर्देशन दिएको हो।
नेपाल राष्ट्र बैंकलगायत राजस्व कारोबार गर्ने सम्पूर्ण बैंक तथा नेपाल क्लियरिङ हाउस खुला राख्न भनेकोे हो। पूर्णकालीन रुपमा कारोबार संचालन गरी राजस्व बुझ्ने व्यवस्था गर्न राष्ट्र बैंकले निर्देशन दिएको छ।
यसैबिच राष्ट्र बैंकले कोरोना संकटका करण एक बैंकको एटिम कार्ड अर्को बैंकको मेशिनमा प्रयोग गर्दा शुल्क नकाट्ने नियम हटाएको छ। मासिक २ वटा कारोबारसम्म निःशुल्क गर्न सकिने र त्यस भन्दा बढि कारोबार गर्दा एक कारोबारको २० रुपैयाँको दरले शुल्क काटिने राष्ट्रबैंकले बैंकहरुलाई जारी गरेको परिपत्रमा उल्लेख छ । यो नियम माघ १ गतेदेखि लागु हुनेछ।
अबदेखि अन्तर बैंक एटीएममा बैंकले शुल्क लाग्ने भएको छ । सरकारले लकडाउन शुुरु गरेदेखि बैंक तथा वित्तीय संस्थामा एउटा बैंकको कार्डले अर्को बैंकको एटीएम मेशिनबाट पैसा निकाल्दा शुल्क नलाग्ने व्यवस्था थियो। तर राष्ट्र बैंकले यो व्यवस्था संसोधन गर्दै आगामी माघ १ गतेबाट अन्तर बैंक एटीएम कारोबारमा शुल्क उठाउन बैंक तथा वित्तीय संस्थालाई छुट दिएको हो।
शुल्क नलाग्ने व्यवस्थापछि बैंक तथा वित्तीय संस्थाले एटीएम व्यवस्थापनमा लापरबाही गर्दै आएका थिए। यही कारण न्यूनतम शुल्क उठाउन दिइएको राष्ट्र बैंकले जनाएको छ ।
अझै पनि मासिक २ वटासम्म अन्तर बैंक एटीएम कारोबार ग्राहकले निःशुल्क गर्न पाउनेछन्। दुई वटा भन्दा धेरै कारोबारको हकमा प्रति कारोबार २० रुपैयाँसम्म शुल्क उठाउन पाउने व्यवस्था राष्ट्र बैंकले गरेको छ ।
