काठमाडौ । महालक्ष्मी लाइफ इन्स्योरेन्स पेशागत बीमा अभिकर्ता संघ नेपालको प्रथम अधिबेशन काठमाडौंमा सम्पन्न भएको छ।
काठमाडौकाे ज्ञानेश्वरमा आयोजना गरिएको प्रथम अधिबेशनले महालक्ष्मी लाइफ इन्स्योरेन्स बीमा अभिकर्ता संघको उपाध्यक्षमा शिवराज पोखरेललाई निर्वाचित गरेको हो।
उपाध्यक्षमा निर्वाचित पोखरेल उद्यमी कृषि सहकारी संस्थाका अध्यक्ष, राइजिंग सन लायन्स क्लव अफ काठमाडौका अध्यक्ष, महालक्ष्मी लाईफ इन्स्योरेन्स कम्पनीका सिनियर एजेन्सी म्यानेजर र हाइ किसान एग्रोटेक प्रा.लि. का सञ्चालक हुन् भने अन्य विभिन्न सामाजिक संघसंस्थामा समेत आवद्ध रहेका छन् पोखरेल।
अधिवेशनले सूर्य भट्टराईकाे अध्यक्षता १९ सदस्यीय कार्यसमिति चयन गरेका छन् जसमा उपाध्यक्षमा युबराज बास्तोला र शिवराज पाखरेल, सचिवमा रश्मि निरौला, सह-सचिवमा पुजा पाण्डे र कोषाध्यक्ष सोस्तिराज ओली निर्वाचित भएका छन्।
त्यस्तैगरी केन्द्रिय सदस्यहरुमा निषिप अधिकारी, लक्ष्मण मरासिनी, दिपक खनाल, महेन्द्र थापा, हस्त बहादुर बिक, टिकामाया पाख्रिन, उमेश्वर महतो र डिआर पोखरेल निर्वाचित भएका छन् भने थप सदस्यहरु मनोनित हुन बाँकी नै रहेको छ।
अधिबेशनमा महालक्ष्मी लाइफ इन्स्योरेन्सका उपकार्यकारी प्रमुख कमल पन्थी, पेशागत अभिकर्ता महासंघ नेपालका अध्यक्ष नन्दप्रसाद तिवारी, महालक्ष्मी लाइफका राम प्रसाद भुसाल, महालक्ष्मी लाइफ इन्स्योरेन्स किर्तीपुर शाखा प्रमुख रामप्रसाद पौडेल र नेपाल लाइफ इन्स्योरेन्स अभिकर्ता संघका अध्यक्ष राजेन्द्र अमात्यले पेशागत बिमा अभिकर्ता र संघका विषयमाथि प्रष्ट पार्दै नव निर्वाचित प्रतिनीधिहरुलाई बधाई तथा शुभकामना ज्ञापन गरेका थिए।
उक्त अधिबेशनबाट उपाध्यक्षमा निर्वाचित शिवराज पोखरेलले आफूलाई यस्तो गरिमामय पद समाल्न जिम्मेवारी प्रदान गरेकाेप्रति सबैमा कृतज्ञता प्रकट गर्दे नवनिर्बाचित कर्यसमितिलाई सफलताको शुभकामना व्यक्त गरेका थिए ।
