काठमाडौं । डिलाइटेड नेपालले नयाँ सांगीतिक कोशेली श्वरुप ‘मन परेको मायाले...’ नामक गीतको म्यूजिक भिडियो बजारमा ल्याएको छ।
पछिल्लो समय चर्चामा रहेका लोकप्रिय गायक सबिन लिम्बुले गाएको हालसम्मका गीतभन्दा यो गीत फरक शैलीको रहेको छ।
डिलाइटेड नेपाल युट्युव च्यानलमार्फत रिलिज गरिएकाे यस गीतलाई लोकप्रिय गायिका एलिना चौहानले पनि गायिकी छिन् । यस गीतमा अभिनय पनि गायक गायिका रुवयम्कै रहेको छ।
‘मन परेको मायाले...’ लगायत कैयाैं गीत रचनामा चर्चाको शिखरमा रहेका गीतकार डीपी दाहाल परिश्रमी अत्यन्त मर्मस्पर्शी शब्दहरु गीतमा रहेका छन्।
गीतकार परिश्रमीले बिगतमा चर्चित संगीतकार शम्भुजीत बास्कोटाको संगीतमा तिर्सना एल्बम..., दिपक शर्माको संगीतमा रसिलो...., लक्ष्मण शेषको संगीतमा संसार जितेर..., पुरुषोतम सुबेदीको संगीतमा मायाको घरबार, मनोहर सुनामको संगीतमा मायाको क्या राम्रो आंखा..., राजेश कैदीको संगीतमा म रोएको पल..., लाल बहादुर सुब्बाको संगीतमा झरेको जीवन..., जस्ता धेरै श्रृजनाहरु बजारमा ल्याईसकेका छन्।
यस ‘मन परेको मायाले...’ बोलको गीतले मानवीय यथार्थ जीवनका बास्तबिकताहरु बोलेको छ भने मनछुने शब्दहरुले भरिएको गीतमा गहकिला शब्दहरु छन्।
मन परेको मायाले घरबार गर्यो
आफ्नो भने मुटुमा घाउचोट पार्यो
मनभित्रका सपना गोडेर गोडेर
उज्यालो त गैगयो छोडेर छोडेर
संगीतकार लाल बहादुर सुब्बाको संगीत रहेको यस गीतलाई सबिन लिम्बुले एरेन्ज गरेका छन्। ह्वाइट मिडियाको निर्माण संयोजनमा तयार भएको भिडियोको सम्पादन एवं निर्देशन शक्तिप्रज्वल घिमिरेले गरेका छन्।
यसैगीत भित्रको एउटा अन्तरा यस्तो रहेको छ...
छुरा रोप्नु सपना नरोप्नु
धोकै दिनु, धोकामा नराख्नु
मायाप्रीतिमा रमाएर पछि बिछोड भएकाहरुलाई गीतले मनभित्रदेखि नै छुने कोशिश गरेको छ।
