एजेन्सी
कोरोनाभाइरस (कोविड-१९) संक्रमणपछि विश्वभर ६ करोड मानिस संक्रमणमुक्त भएका छन्।
पछिल्लो २४ घण्टामा विश्वभर साढे ४ लाख मानिस कोरोनाभाइरस संक्रमणमुक्त भएसँगै विश्वभर कोरोनामुक्त हुनेको संख्या ६ करोड नाघेको हो।
हालसम्म विश्वमा ८ करोड ४९ लाख मानिस कोरोना संक्रमित भएकोमा १६ लाख ४२ हजार मानिसको मृत्यु भइसकेको छन्।
सबैभन्दा धेरै अमेरिकामा २ करोड ९ लाख मानिस संक्रमित भएका छन् भने ३ लाख ५८ हजार मानिसको मृत्यु भइसकेको छ। यसैबीच, भारतले ३ करोड स्वास्थ्यकर्मीहरुलाई पहिलो चरणमा कोरोनाविरुद्धको खोप दिने भएको छ ।
केन्द्रीय स्वास्थ्य मन्त्री डा. हर्षवर्धनले पहिलो चरणमा फ्रण्टलाइनमा कार्यरत स्वास्थ्यकर्मीलाई निःशुल्क खोप दिने जानकारी दिएको हो। उनले ट्वीट गर्दै पहिलो चरणमा सबैभन्दा अघिल्लो लाइनमा रहने १ करोड स्वास्थ्यकर्मी र २ करोड अन्य स्वास्थ्यकर्मीलाई खोप दिइने जानकारी दिएको छ।
मन्त्री डा. हर्षवर्धनले आगामी जुलाईसम्म वरियताअनुसार फ्रण्टलाइनमा कार्यरत २७ करोड जनालाई खोप दिने जानकारी दिएका छन्।
