ललितपुर । ललितपुर महानगरपालिका वडानं. ५ स्थित व्रिटिस गोर्खा नेपालको सहयोगमा स्वच्छ हराभरा धुवाँधुलो रहित शहर बनाउँने कार्यक्रम सम्पन्न भएको छ।
सो सोही कार्यक्रमअन्तर्गत सहरलाई स्वच्छ हराभरा धुवाँधुलो रहित बनाउँने उदेश्यनुरुप जावलाखेल, मानभवन, कुमारीपाटी, पाटन अस्पताल, महालक्ष्मीस्थान र दक्षिणकाली मन्दिर लगायत अन्य वडा नंवर ५ का विभिन्न ५२ स्थानमा ट्रेसवीन र स्टेण्ड राख्ने कार्य सम्पन्न भएको छ।
उक्त कार्य ललितपुर वडा नं. ५ का वडाअध्यक्ष विकासमान श्रेष्ठको प्रमुख आतित्थ्यतामा सम्पन्न भएको हो। ललितपुर वडा ५ का सम्पूर्ण जनप्रतिनीधिहरुको उपस्थिति भएको सरसफाई अभियान अन्तर्गत कार्यक्रममा ३ लाख ६५ हजार बराबरको ट्रेसवीन र स्टेण्ड राखिएको थियो।
कार्यक्रममा बोल्दै वडा नं. ५ का लोकप्रिय वडा अध्यक्ष तथा प्रमुख अतिथि विकासमान श्रेष्ठले यस सरसफाई अभियान कार्यक्रम सफल पार्नमा सहभागी सम्पूर्णलाई धन्यबाद प्रदान गरेका थिए ।
त्यस्तैगरी कार्यक्रममा नेप्सेम्याकका महाप्रबन्धक लक्ष्मी गेलालले वडा ५ कार्यालय अन्तर्गत घरघरबाट निस्कने फोहोरमैलालाई ट्रेसवीन र स्टेण्ड मा राखिदिन अनुरोध गरेका थिए।
त्यस्तैगरी सरसफाई अभियानमा महिला वडा सदस्य शोभादेवी प्रधान श्रेष्ठ, वडा सदस्य अशोक श्रेष्ठ, वडा सदस्य पुनम निरौला, वडा सदस्य मञ्जु रिजाल, व्रिटिस गोर्खा नेपालका लेफ्टीनेन्ट कर्णेल सिमोन टोनसेन्ड, गोर्खामेजर मुक्ति गुरुङ, नेप्सेम्याकका महाप्रबन्धक लक्ष्मी गेलाल लगायत बुद्धिजीवी, पत्रकार र सर्बसाधारणको उल्लेख्य उपस्थिति रहेको थियो।
