सर्लाही । समाजसेवी रोशनी तामाङको नेतृत्वमा सर्लाही जिल्ला चन्द्रनगर गाउँपालिका वडा नम्बर २ का बालबालिकाहरुलाई स्कूल झोला वितरण गरिएको छ ।
भोर संस्था र चन्द्रनगर गाउँपालिकाको समन्वयमा बबरगञ्ज, नादी ताल, पोखरीया बजार र लोदोवाका मुसहर, मुस्लिम समुदायका १७५ जना बालबालिकाहरुलाई झोला वितरण गरिएको हो ।
त्यस्तैगरी चन्द्रनगर गाउँपालिका वडा नम्बर २ सँगकै समन्वयमा गाउँपालिका अन्य वडाहरु लगायत विभिन्न स्थानहरुमा समेत वितरण गरिएको थियो।
चन्द्रनगर गाउँपालिका वडा नम्बर २ का वडाअध्यक्ष रामनारायण महत, भोर संस्थाका अध्यक्ष पच्छु माझी र राजकुमार महतको उपस्थितिमा उक्त स्कूल झोला वितरण गरिएको थियो।
हाल पद्म कन्या बहुमुखी क्याम्पसमा पत्रकारिता र समाज कार्य विषयमा स्नातक तेस्रो वर्षमा अध्ययनरत् समाजसेवी तामाङले यस किसिमका समाजसेवाका कार्यहरु विगत दुई वर्ष अघिदेखि सक्रिय रुपमा गर्दै आइरहेकी छन्।
