काठमाडौं। डिशहोमले ग्राहकहरुलाई अझै बढी सेवा र सुविधा प्रदान गर्ने उद्देश्यले सञ्चालन गरेको डिशहोममा डिलर दाइको डिस्काउण्ट अफर ८८ जना ग्राहकले जितेका छन्।
अफर जित्ने ८८ जना ग्राहकले नगद १ लाखका दरले रकम हात पारेका छन् । यस्तै वार्षिक रिचार्ज गर्ने ग्राहकले समेत रिजार्च रकममा आकर्षक छुट पाएका छन्। जसले गर्दा ग्राहकले न्यूनतम शुल्कमा गुणस्तरीय सेवा प्राप्त गरेका छन्।
२०७६ साल फागुन २ देखि सञ्चालित ‘डिलर दाइको डिस्काउण्ट अफर’ को समयावधि अन्तिम चरणमा पुगेको छ। आगामी २९ माघसम्मका लागि मात्र यो अफर लागू हुने डिशहोम नेटवर्कले जनाएको छ।
नेपालभरका डिशहोमका डिलरहरु मार्फत फण्ड ट्रान्सफर वा अनलाईन प्रणालीबाट बार्षिक रिचार्ज गरेबापत ‘विक्ली लक्की ड्र’ मा सहभागी हुने अवसर डिशहोमले दिएको छ।
फण्ड ट्रान्सफरबारे आधिकारिक जानकारीका लागि देशभर रहेका डिशहोम बिक्रेता, नजिकैका डिलर वा डिशहोम ग्राहक केन्द्रमा सिधै सम्पर्क गर्न सकिने छ।
